18.01.2026 | 14:06
Թրամփը ցանկանում է մեկ միլիարդ դոլար երկրներից՝ իր ստեղծած Խաղաղության խորհրդում մշտական անդամակցության համար
Մի քանի տասնյակ զոհ ու վիրավոր՝ Աֆղանստանի Կանդահար նահանգի մզկիթում իրականացրած ահաբեկչության արդյունքում
Քաղաքականություն
15.10.2021 | 18:25
Առնվազն 32 մարդ է զոհվել, 53-ը՝ վիրավորվել Աֆղանստանի Կանդահար նահանգում գրանցված պայթյունի արդյունքում։ Այս մասին ՌԻԱ Նովոստիին հայտնել են տեղի հիվանդանոցից:
Ավելի վաղ հաղորդվել է 28 զոհի ու 45 վիրավորի մասին։
Պայթյունը գրանցվել է կեսօրին շիական մզկիթում։ Ինչպես ՌԻԱ Նովոստիին հայտնել է տեղի աղբյուրը, պայթյունն իրականացրել է մահապարտ ահաբեկիչը։ Սակայն մինչ այս պահը ոչ ոք իր վրա չի վերցրել ահաբեկչության պատասխանատվությունը։
Աֆղանական Tolo News-ն էլ հայտնում է, որ մզկիթում իրար հետևից առնվազն 3 պայթյուն է գրանցվել։
Հիշեցնենք, որ մեկ շաբաթ առաջ Կունդուզում գրանցված ահաբեկչությունը խլել էր 120 մարդու կյանք, 150-ը՝ վիրավորվել էր։ Մինչ այդ, Աֆղանստանում ևս 2 ահաբեկչություն էր իրականացվել Իգդախ մզկիթի մոտերքում , ինչպես նաև երկրի արևելքում տեղակայված կրոնական դպրոցում։ Առաջին դեպքում զոհվել էր 12 մարդ, վիրավորվել՝ 32-ը, երկրորդի դեպքում զոհվել էր 7 մարդ, ևս 15-ը՝ վիրավորվել էին։ Բոլոր ահաբեկչություններն իրականացվել էին «Իսլամական պետություն» ահաբեկչական խմբավորման կողմից։
Տաթև Ֆռանգյան
