Քաղաքականություն
15.10.2021 | 17:31
Վրաստանի նախկին նախագահ Միխեիլ Սաակաշվիլիի փաստաբան Բեկա Բասիլայը ակնկալում է, որ գործող նախագահ Սալոմե Զուրաբիշվիլին ներում կշնորհի իր պաշտպանյալին, գրում է osnmedia-ն:
«Որպես փաստաբան հայտարարում եմ, որ ամենաարդյունավետ ճանապարհը՝ նախագահ Սալոմե Զուրաբիշվիլիի կողմից որոշման ընդունումն է։ Ցավոք, նա առաջ է ընկել իրադարձություններից ու ի սկզբանե ընդունել է այն ռազմավարությունը, որ ներում չի հայտարարի, սակայն իրականում դա հայտարարություն էր, որն արվել էր ընտրությունների ժամանակ «Վրացական երազանքի» կողմնակիցներին մոբիլիզացնելու համար։ Մենք նախադեպեր ենք ունեցել, երբ, չնայած իր հայտարարություններին, նա բանտարկյալներին ազատ արձակելու որոշում է կայացրել»,- լրագրողներին հայտարարել է Բասիլայը։
Միաժամանակ փաստաբանը հավելել է, որ պաշտպանական կողմը նաև այլ օրինական ուղիներ է փնտրելու Սաակաշվիլիին ազատ արձակելու համար:
Տաթև Ֆռանգյան
