22.04.2026 | 22:45
Թուրք լրագրողի համար դատախազությունը պատիժ է պահանջում` հայ երիտասարդների հետ Ցեղասպանության հետ կապված զրույցի համար
Նիդերլանդների խորհրդարանը Ադրբեջանի դեմ բանաձև է ընդունել
Քաղաքականություն
15.10.2021 | 14:43
Նիդերլանդների խորհրդարանը նախօրեին գրեթե միաձայն բանաձև է ընդունել Ադրբեջանի իշխանությունների դեմ, որում նշվում է, որ Ադրբեջանում «սաստկացրել են իշխանությունների ճնշումները ընդդիմության ու Ադրբեջանի քաղաքացիների նկատմամբ»։
Այս մասին ադրբեջանական Թուրան գործակալությանը հայտնել է Խաղաղության ու ժողովրդավարության ինստիտուտի տնօրեն Լեյլա Յունուսը։ Նրա խոսքով՝ քննակումների նախաձեռնողը հենց ինստիտուտն է եղել, որը դիմել է խորհրդարանին Ադրբեջանում մարդու իրավունքների իրավիճակի, երկրում 122 քաղբանտարկյալների առկայության, «Տերտերի գործով» ներգրավված անձանց խոշտանգումների մասին զեկույցով։
Ինստիտուտն այս խնդիրների վրա ուշադրություն է հրավիրում «Արևելյան գործընկերության» երկրների դեկտեմբերյան գագաթնաժողովին ընդառաջ, որին մասնակցելու համար հրավիրված է նաև Ադրբեջանի նախագահ Իլհամ Ալիևը։
Լեյլա Յունուսի խոսքով՝ Նիդերլանդների խորհրդարանը կոչ է արել Եվրահանձնաժողովին դիտարկել «Ադրբեջանում մարդու իրավունքների վատթարացող իրավիճակը»։
Էմմա Չոբանյան
