07.03.2026 | 13:02
«Տենանք` կարո՞ւմ ենք մի բան անենք». Փաշինյանը Թալինում քաղաքացիների բնակարաններ է մտնում. ՏԵՍԱՆՅՈՒԹ
Բաքուն կավելացնի Թուրքիա մատակարարվող գազի ծավալը
Քաղաքականություն
15.10.2021 | 14:29
Թուրքիան ու Ադրբեջանը առևտրային համաձայնագիր են կնքել, որով լրացուցիչ 11 մլրդ խորանարդ մետր գազ կմատակարարվի Բաքու-Թբիլիսի-Էրզրում գազամուղով։ Այս մասին հայտնել է Թուրքիայի էներգետիկայի ու բնական պաշարների նախարար Ֆաթիհ Դոնմեզը: «Անադոլու» գործակալության հաղորդմամբ, նախարարը տեղեկացրել է, որ համաձայնագիրը ուժի մեջ է մինչև 2024 թ-ը։ Նա նաև նշել է, որ Թուրքիան նշանակալի առաջընթացի է հասել բնական գազի լրացուցիչ մատակարարումների հարցում։
«Հաջողությամբ ընթանում են բանակցությունները բնական գազի պահանջարկը բավարարելու համար, որը հավանաբար կաճի ձմռան մոտենալուն պես։ Փաստացի գազ մատակարարող բոլոր երկրների իշխանությունները հայտարարել են, որ կապույտ վառելիքի մատակարարումները Թուրքիա կավելացվեն։ Այս իրադարձությունների շրջանակում մենք Ադրբեջանի հետ համաձայնագիր ստորագրեցինք Բաքու-Թբիլիսի-Էրզրում գազամուղով լրացուցիչ ծավալների մատակարարման վերաբերյալ մինչև 2024 թվականը, խոսքը 11 միլիարդ խորանարդ մետրի մասին է»,-ասել է Դոնմեզը։
Հավելենք, որ տեղական մամուլում ավելի վաղ հրապարակումներ էին հայտնվել, որ ձմռանը Թուրքիան կարող է մարտահրավերների առաջ կանգնել, քանի որ բնական գազի պահանջարկն ավելանում է, իսկ գազային պայմանագրերի ժամկետները՝ լրանում։
Էմմա Չոբանյան
