27.11.2024 | 13:42
Ռուսական կողմը կրկին ԱԹՍ-ներով հարվածել է Կիևին. վիրավորներ կան
ԱՄՆ-ը վերադարձել է Մարդու իրավունքների հարցով ՄԱԿ-ի խորհուրդ
Քաղաքականություն
15.10.2021 | 14:14
Հինգշաբթի օրը ՄԱԿ-ի գլխավոր ասամբլեան քվեարկել է Մարդու իրավունքների հարցով ՄԱԿ-ի խորհուրդ ԱՄՆ վերադարձի օգտին։ ԱՄՆ-ի վերադարձի համար անհրաժեշտ էր ձայների մեծամասնությունը։ ԱՄՆ-ը եղել է այն 18 պետություններից մեկը, որն ընտրվել է այս մարմնի անդամ։ Դրա կազմի մեջ են Լիտվան, Լյուքսեմբուրգը, Հնդկաստանը, Արգենտինան, ինչպես նաև Ղազախստանը, Քաթարը, ԱՄԷ-ն ու Էրիտրեան, գրում է DW-ի ռուսական ծառայությունը։
Ավելի վաղ ԱՄՆ պետքարտուղար Էնթոնի Բլինքենը հայտարարել էր, որ ԱՄՆ -ը մտադիր է դառնալ ՄԱԿ -ի Մարդու իրավունքների խորհրդի անդամ 2022-2024 թվականների ընթացքում: «Մենք խոնարհաբար խնդրում ենք ՄԱԿ -ի բոլոր անդամ երկրներին աջակցել մեր վերադարձին Խորհուրդ», – ասել էր Բլինքենը փետրվարի 24 -ին:
Միևնույն ժամանակ նա նշել էր, որ ԱՄՆ նոր վարչակազմը մասամբ կիսում է Խորհրդի հասցեին քննադատությունները, որն արտահայտում էր նախագահ Դոնալդ Թրամփի վարչակազմը, որի օրոք էլ որոշում էր կայացվել դուրս գալ կառույցից։ Ըստ Բլինքենի՝ խոսքը գնում է Իսրայելի հանդեպ կանխակալ վերաբերմունքի մասին։ Միևնույն ժամանակ ԱՄՆ-ը մտադիր է համոզվել, թե արդյոք խորհրդի բոլոր անդամ երկրներն են համապատասխանում մարդու իրավունքների ոլորտում «բարձր չափանիշներին»։
Տաթև Ֆռանգյան
