27.11.2024 | 13:33
ՔՊ-ն ԲԴԽ անդամի պաշտոնում թեկնածու է առաջադրել Ալեքսանդր Սիրունյանին
Իրանի ու ՌԴ արտգործնախարարները հեռախոսազրույց են ունեցել
Քաղաքականություն
15.10.2021 | 12:47
Իրանի Իսլամական Հանրապետության և Եվրոպական միության միջև բանակցությունների վերսկսումից հետո, որին հաջորդեցին Իրանի ԱԳ փոխնախարար Ալի Բաղերի Քանիի և ԵՄ արտաքին գործերի ծառայության գլխավոր քարտուղարի տեղակալ Էնրիկե Մորայի բանակցությունները Թեհրանում, Իրանի և Ռուսաստանի արտգործնախարարները հեռախոսազրույց են ունեցել և մտքեր փոխանակել այդ հարցի շուրջ, գրում է Mehr գործակալությունը:
Հոսեյն Ամիր-Աբդոլլահիանը հեռախոսազրույցի ժամանակ ընդգծել է, որ Մորայի հետ բանակցությունները դրական են եղել, և երկու կողմերն էլ իրենց գոհունակությունն ու պատրաստակամությունն են հայտնել շարունակելու բանակցությունները:
Ամիր-Աբդոլլահիանը նաև հայտնել է իր ռուս գործընկերոջը, որ բանակցությունների ավարտին երկու կողմերը պայմանավորվել են առաջիկա երկու շաբաթվա ընթացքում Բրյուսելում շարունակել խորհրդակցությունները Բաղերիի և Մորայի միջև:
Ռուսաստանի արտգործնախարար Սերգեյ Լավրովը նույնպես ողջունել է Իրանի ու ԵՄ-ի միջև բանակցությունների վերսկսումը: Նա ընդգծել է, որ անցյալ շաբաթ Մոսկվայում Ամիր-Աբդոլլահիանի հետ հանդիպումից ու մանրակրկիտ քննարկումներից հետո հանձնարարել էր Ռուսաստանի ԱԳՆ իր գործընկերներին սերտ խորհրդակցություններ անցկացնել Իրանի Իսլամական Հանրապետության իրենց գործընկերների հետ `միջուկային գործարքին վերաբերող հարցերին հետևելու համար:
Այս հեռախոսազրույցում Ռուսաստանի ԱԳ նախարարը բարձր է գնահատել Իրանի տրամաբանական դիրքորոշումը `բոլոր կողմերին իրենց պարտավորություններին վերադարձնելու վերաբերյալ:
Տաթև Ֆռանգյան
