07.11.2024 | 20:00
Թրամփի շրջապատի մարդիկ Իրանի ոչնչացումից են խոսում․ ՀՀ-ի համար մեծ խնդիր է դա․ Դանիել Իոաննիսյան. ՏԵՍԱՆՅՈՒԹ
ԱՄՆ նախկին նախագահ Բիլ Քլինթոնը հոսպիտալացվել է
Քաղաքականություն
15.10.2021 | 10:55
ԱՄՆ նախկին նախագահ Բիլ Քլինթոնը հոսպիտալացվել է Կալիֆոռնիայի հիվանդանոցներից մեկում, հաղորդում է CNN- ը ՝ վկայակոչելով բժիշկներին և քաղաքական գործչի խոսնակին:
Ընդգծվում է, որ նրա հիվանդությունը կապված չէ COVID-19-ի հետ, և հոսպիտալացման պատճառը արյան վարակումն էր:
«Նա հիվանդանոց է տեղափոխվել արդեն ինֆեկցիայով, այլ ոչ թե դրանով այնտեղ վարակվել։ Նրան բուժում են հակաբիոտիկներով և բժիշկները պնդում են, որ նրա օրգանիզմը դրանց դրական է արձագանքում»,- հայտնում է հեռուստաալիքը։
Բժիշկները հավելել են, որ նա հիվանդանոցում անցկացրել է երկու օր։
Բուժող բժիշկներ Ալպեշ Ամինն ու Լայզա Բարդակը պարզաբանել են, որ վարակման պատճառը դարձել է միզուղիների ինֆեկցիան։ Նրանց խոսքով՝ տարեց մարդկանց մոտ նման խնդիրները հաճախ են հանդիպում, դրանք հեշտությամբ բուժվում են։ Բժիշկները նաև նշել են, որ Քլինթոնը բուժում է ստանում ինտենսիվ թերապիայի հիվանդասենյակում ոչ թե առողջական վիճակից, այլ անվտանգության ու գաղտնիության տեսանկյունից ելնելով։
Քլինթոնի ներկայացուցիչը ևս հայտարարել է, որ նախկին նախագահը սկսում է իրեն լավ զգալ։
Տաթև Ֆռանգյան
