02.04.2026 | 12:25
Փաշինյանը «Զայեդ»-ի 500 000 դոլարը կտա պետությանը // Կես դար անց առաքելություն է մեկնել Լուսին․ ԼՈՒՐԵՐ
Արցախից տեղահանված ավելի քան 90 հազար անձանց 88%-ը կանայք և երեխաներ են․ ՀՀ Միգրացիոն ծառայության պետ
Հասարակություն
14.10.2021 | 20:57
Միգրացիոն ծառայության պետ Արմեն Ղազարյանն այսօր մասնակցել է ՄԱԿ-ի միգրացիայի միջազգային կազմակերպության (ՄՄԿ)՝ «Արձագանքելով ճգնաժամերին ՔՈՎԻԴ-19-ի պայմաններում» թեմայով միջազգային միգրացիոն երկխոսություններին։ Այս մասին տեղեկանում ենք ՀՀ Միգրացիոն ծառայության ֆեյսբուքյան էջից։
Իր խոսքում Ղազարյանն անդրադարձել է համավարակի հետևանքով ստեղծված գլոբալ պատկերին և համավարակի ազդեցությանը միգրացիոն գործընթացների վրա։
ՄԾ պետը, որպես մարտահրավեր, անդրադարձ է կատարել նաև նախորդ՝ համավարակի տարում Ադրբեջանի կողմից սանձազերծված պատերազմին և դրա ծանր հետևանքներին՝ նշելով Արցախից տեղահանված ավելի քան 90 հազար անձանց փաստը՝ մասնավորեցնելով, որ նրանց 88 տոկոսը կանայք և երեխաներ են։
«Եզրափակելով ցանկանում եմ նշել, որ Հայաստանի կառավարությունն արել է հնարավոր ամեն բան աջակցելու ՔՈՎԻԴ-19-ի պայմաններում տեղահանված և խոցելի բնակցությանը։ Այս դժվարին իրավիճակը հաղթահարելու գործում մենք ապավինում են նաև միջազգային համերաշխությանն և փոխադարձ աջակցությանը»,-ասել է Արմեն Ղազարյանը։
