14.12.2024 | 19:57
Ինչ իրավիճակ է ճանապարհներին 19։35-ի դրությամբ
Չավուշօղլուն Անկարայում բանակցություններ է անցկացրել «Թալիբան»-ի պատվիրակության հետ
Քաղաքականություն
14.10.2021 | 20:44
Թուրքիայի ԱԳ նախարար Մևլութ Չավուշօղլուն Անկարայում ընդունել է Թալիբանի բարձրաստիճան պատվիրակությանը ԱԳ նախարարի գլխավորությամբ։ Հայտնում է Անադոլու գործակալությունը։
Չավուշօղլուն նշել է, որ թուրքական կողմը բանակցություններում հերթական անգամ խոսել է աղջիկների կրթության ու կանանց աշխատանքային կյանքին ինտեգրվելու վերաբերյալ:
«Մենք հերթական անգամ ընդգծել ենք, որ թալիբները պետք է ներառական կառավարություն կազմեն, եթե ցանկանում են երկրում միասնություն և հավասարություն», – ասել է Թուրքիայի ԱԳ նախարարը։
Նա նաեւ հայտնել է, որ թալիբներն իրենց հերթին խնդրել են Անկարային հումանիտար օգնություն ցուցաբերել ու ներդրումներ անել Աֆղանստանում։
Ըստ Չավուշօղլուի` պատվիրակության անդամները հայտարարել են, որ մտադիր են համապարփակ աջակցություն ցուցաբերել աֆղանցի փախստականներին,եթե նրանք հայրենիք վերադառնան։
Ի սեպ, սա թալիբների իշխանության գալուց ու կառավարություն ձևավորելուց հետո առաջին նման արտասահմանյան այցն է։
Էմմա Չոբանյան
