21.12.2025 | 18:21
Իրավիճակը ՀՀ ավտոճանապարհներին՝ 17։30-ի դրությամբ
Կառավարությունը 10 մլն դոլար ներդրմամբ արաբական ընկերության հետ ազգային ավիափոխադրող ընկերություն է հիմնում. Փաշինյան. ՏԵՍԱՆՅՈՒԹ
Տնտեսություն
14.10.2021 | 12:45
Այսօր կառավարության նիստում ընդունված որոշմամբ պետական բյուջեից նորաստեղծ ազգային ավիաընկերության բաժնետոմսերի դիմաց վճարման նպատակով 4 մլրդ 733 մլն 720 հազար դրամ գումար կփոխանցվի «Հայաստանի պետական հետաքրքրությունների ֆոնդ» ՓԲԸ–ին, որը հանդես է գալու որպես նոր ավիաընկերության կառավարիչ։
«Գործարքն իրականացրել ենք հաշվարկի պրոֆեսիոնալ գնահատման արդյունքում և որպես ծրագիր ստացել ենք առավելագույն կենսունակ մոդել: Մենք պարզապես ավիաընկերություն չենք գրանցում, որը տեսականորեն կարող էր դառնալ վերջին 20-25 տարիների ընթացքում նման փորձերից մեկը: Այս ծրագրով մենք ստեղծում ենք ազգային մրցունակ ավիափոխադրող, որն արդեն ի սկզբանե ունի մրցակցային առավելություն, որն է՝ «Էյր Արաբիա» ընկերության մոտ 20 տարվա դրական փորձը: Սա առաջին անգամ մեզ հնարավորություն է տալիս ունենալ երկարաժամկետ մրցունակ և կենսունակ ռազմավարության վրա հիմնված ազգային ավիափոխադրող: Մերձավոր Արևելքի և Հյուսիսային Աֆրիկայի առաջին և ամենամեծ բյուջետային ավիափոխադրողի հետ համատեղ ընկերության ստեղծումը նաև ներդրումային մրցակցության տեսանկյունից մեծ նշանակություն ունի»,- ասաց Հայաստանի պետական հետաքրքրությունների ֆոնդի ղեկավար Դավիթ Փափազյանը:
Փափազյանը հավելեց, որ սա առաջին հերթին կարևոր քայլ է տնտեսության համար: Նա նև ընդգծեց, որ ընկերությունը չի ունենալու ոչ մի պետական արտոնություն:
ՀՀ վարչապետ Նիկոլ Փաշինյանը նշեց, որ այս որոշումն արտահայտում է ՀՀ Կառավարության՝ հայկական ավիաընկերություն ունենալու քաղաքական կամքը:
«Դա չի նշանակում, թե ՀՀ-ում այլ հայկական ավիաընկերություններ չպետք է լինեն և չեն կարող լինել: Այս համատեղ ներդրմամբ հրավիրում ենք «Էյր Արաբիա» ընկերությանը, որպեսզի նա մեզ հետ համատեղ հիմնադրի և կառավարի ավիաընկերություն, որը կկոչվի «Արնա»: Պետք է հստակ երաշխիքներ ստեղծենք, որ այն հանձնառությունը, որ 2022 թվականի գարնանից ավիաընկերությունը պետք է կանոնավոր չվերթեր իրականացնի, պետք է ամեն ինչ անենք, որպեսզի այդ հանձնառությունը հստակ իրականացվի»,- նշեց վարչապետը:
Մանրամասները՝ տեսանյութում:
