15.09.2026 | 22:23
Ֆուտզալի Հայաստանի հավաքականը ոչ-ոքի խաղաց Մոլդովայի հետ
Հուշեմ ընդդիմությանը՝ ձմռան սկիզբ փողոցային պայքար չեն սկսում. Հրաչյա Հակոբյան. ՏԵՍԱՆՅՈՒԹ
Քաղաքականություն
13.10.2021 | 17:54
«Քաղաքացիական պայմանագիր» խմբակցության պատգամավոր Հրաչյա Հակոբյանը՝ Factor.am-ի հետ զրույցում անդրադառնալով «Հայաստան» դաշինքի ներկայացուցիչ Իշխան Սաղաթելյանի այն հայտարարությանը, որ պայքար են մղելու իշխանությանը հեռացնելու համար, և որ ամեն ինչ անելու են, որպեսզի համազգային համախմբում լինի՝ «երկրի հետագա թրքացումը կանխելու համար»,- ընդգծեց, որ նման խնդիր չի տեսնում:
«Ընդդիմությունն արդեն փողոցային պայքարի վատ փորձ ունի, առավելագույնը երկրորդ վատ փորձը կարող են ձեռք բերել, որովհետև ՀՀ քաղաքացիներն իրենց ուժի ղեկավարին ասոցացնում են բռնության հետ: Ռոբերտ Քոչարյանը ասոցացվում է բռնության, սպանության, ծեծ ու ջարդի հետ: Ով լսում է նրա անունը, աչքի առաջ է գալիս Հոկտեմբերի 27-ը, նրա պաշտոնավարման 10 տարվա ընթացքում տեղի ունեցած քաղաքական սպանությունները, Մարտի 1-ի 10 զոհերը: ՀՀ քաղաքացիները նրա հետևից չեն գնա, նրանք շատ լավ հիշողություն ունեն: Ընտրությունները նոր են տեղի ունեցել, և մենք տեսել ենք ընտրությունների արդյունքները»:
Հարցին, թե արդյո՞ք ընդդիմությունն այնքան միամիտ է, որ առանց ակնկալիքների է փողոցային պայքար սկսելու, Հակոբյանը պատասխանեց. «Միգուցե ընդդիմությունն ուղղակի խոսում է փողոցային պայքարի մասին, ես տրամաբանությունը չեմ տեսնում. հետընտրական պրոցեսներ չլինեն, իրենք փաստացի ընդունեն ընտրությունների արդյունքները, գան խորհրդարան, վերցնեն մանդատները, հետո մի քանի ամիս անց ասեն՝ մենք գնում ենք փողոցում պայքարե՞նք: Իրենք չգիտեն՝ ինչ է ընդդիմադիրը: Ես պետք է իրենց հւշեմ՝ ձմռան սկիզբ փողոցային պայքար չեն սկսում»:
Մանրամասները՝ տեսանյութում:
