01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Ռուսաստանի նավթաքիմիական հսկա «Սիբուռ Հոլդինգ»-ը ծրագրում է Թուրքիայում մեծացնել ներդրումների ծավալը
Քաղաքականություն
13.10.2021 | 18:23
Ռուսաստանի նավթաքիմիական հսկա «ՍԻԲՈՒՌ Հոլդինգ»-ը ծրագրում է Թուրքիայում մեծացնել ներդրումների ծավալը։ Այս մասին թուրքական «Անադոլու» գործակալությանը հայտնել է Սերգեյ Կոմիշանը՝ «ՍԻԲՈՒՌ Հոլդինգ»-ի գործադիր տնօրենը, որը ՌԴ ամենամեծ նավթագազաքիմիական գործարանն է։
«Թուրքիան ՍԻԲՈՒՌ-ի համար մշտապես եղել է տարածաշրջանում կարևոր, Թուրքիայի ներուժը չափազանց բարձր է, մասնավորապես տնտեսության առանձին ոլորտներում»,- նշել է Կոմիշանը։
Նա հիշեցրել է, որ անցյալ տարի Թուրքիայում գծային պոլիէթիլենի սպառումը զգալիորեն աճել է:
«ՍԻԲՈՒՌ- ն այս տարի ավելացրել է այդ ապրանքների մատակարարումը: Միևնույն ժամանակ, զգալի աճ է գրանցվել կենցաղային ապրանքների և ավտոպահեստամասերի արտադրության մեջ օգտագործվող պոլիպրոպիլենի համապոլիմերների նկատմամբ: Ընկերությունը պատրաստվում է մոտ ապագայում ապահովել այդ ապրանքների մատակարարումը»,- նշել է ընկերության ներկայացուցիչը։
Տաթև Ֆռանգյան
