29.06.2026 | 17:10
Ինչո՞ւ և ինչո՞վ եք Ձեզ կաշկանդել․ Սեդա Սաֆարյանը՝ ԿԸՀ նախագահին․ ՏԵՍԱՆՅՈՒԹ
Պուտինը կոչ է արել օգտագործել ԱՊՀ անդամ երկրների հետախուզական ծառայությունների ներուժը ՝ ԱՊՀ տարածքը նոր սպառնալիքներից պաշտպանելու համար
Քաղաքականություն
13.10.2021 | 17:50
ՌԴ նախագահ Վլադիմիր Պուտինը կոչ է արել օգտագործել ԱՊՀ անդամ երկրների հետախուզական ծառայությունների ներուժը՝ ԱՊՀ տարածքը նոր սպառնալիքներից պաշտպանելու համար: Այս մասին Պուտինն ասել է Մոսկվայում ԱՊՀ երկրների անվտանգության գործակալությունների և հետախուզական ծառայությունների ղեկավարների հետ իր հանդիպման ողջույնի խոսքում։ Պուտինի ողջույնը կարդացել է Ռուսաստանի արտաքին հետախուզական ծառայության (ՀՎՀ) տնօրեն Սերգեյ Նարիշկինը, գրում է ՏԱՍՍ-ը:
«Ձեր ղեկավարած ծառայություններն ու գերատեսչություններն ունեն լուրջ գործառնական, տեխնիկական և կադրային հնարավորություններ, և այսօր կարևոր է առավելագույնս օգտագործել այս հզոր ներուժը ՝ մեր պետությունները, ամբողջ Համագործակցությունը հուսալիորեն պաշտպանելու ներքին և արտաքին սպառնալիքներից», – ասված է Պուտինի ուղերձում:
Ըստ Ռուսաստանի նախագահի՝ սա առաջին հերթին պետք է արվի միջազգային ահաբեկչության և ծայրահեղականության դեմ պայքարի, անդրազգային հանցավոր խմբերի, զենքի անօրինական շրջանառության, կիբերհանցագործությունների և թմրամիջոցների ապօրինի շրջանառության, մաքսանենգության և անօրինական միգրացիայի դեմ պայքարի համար:
Սերգեյ Նարիշկինի խոսքով՝ հանդիպմանը ժամանել են ԱՊՀ ինը երկրների ՝ Ադրբեջանի, Հայաստանի, Բելառուսի, Ղազախստանի, Ղրղզստանի, Տաջիկստանի, Թուրքմենստանի և Ուզբեկստանի հատուկ ծառայությունների պատվիրակությունները:
Տաթև Ֆռանգյան
