29.06.2026 | 23:11
ԱԱ-2026. Բրազիլացիները կամային հաղթանակով դուրս եկան 1/8 եզրափակիչ. ՏԵՍԱՆՅՈՒԹ
Համանախագահների հետ ձեռք է բերվել պայմանավորվածություն՝ նախ լուծում տալ հումանիտար հարցերին․ Միրզոյան. ՏԵՍԱՆՅՈՒԹ
Քաղաքականություն
13.10.2021 | 12:54
Հայաստանը ողջունում է ԵԱՀԿ Մինսկի խմբի համանախագահության շրջանակներում խաղաղ բանակցությունների վերսկսումը: Այս մասին այսօր Հնդկաստանի արտգործնախարարի հետ համատեղ ասուլիսին ասաց Հայաստանի արտգործնախարար Արարատ Միրզոյանը և շեշտեց, որ Հայաստանը ԼՂ հիմնախնդրի լուծումը տեսնում է միայն ԵԱՀԿ ֆորմատով՝ խաղաղ բանակցությունների միջոցով:
ԱԳ նախարարը ողջունեց Նյու Յորքում ՄԱԿ-ի ԳԱ-ի նստաշրջանի շրջանակներում ԵԱՀԿ Մինսկի խմբի նախաձեռնությամբ անցկացված հանդիպումները, այդ թվում՝ Ադրբեջանցի ԱԳ նախարարի հետ:
Արարատ Միրզոյանը նաև նշեց, որ հանդիպումների ընթացքում պայմանավորվածություն է ձեռք բերվել քննարկել հումանիտար հարցերին առնչվող խնդիրները՝ մասնավորապես՝ հայ գերիների ազատ արձակումը, անհայտ կորած զինվորների և քաղաքացիական անձանց ճակատագրի հետագա պարզումը, հայկական մշակութային արժեքների հասանելիությունը, որոնք մնացել են Ադրբեջանի զինված ուժերի վերահսկողության ներքո, նաև քննարկվել է ԵԱՀԿ Մինսկի խմբի մանդատի հիմնական բաղադրիչը` ԼՂ կարգավիճակի հարցը:
Արարատ Միրզոյանը նաև հայտնեց, որ նախատեսվում է համանախագահների այցը տարածաշրջան: Նա նաև հավելեց, որ նախատեսվում է իր հանդիպումը ԵԱՀԿ համանախագահների հետ և նրանց հովանու ներքո Ադրբեջանի ԱԳ նախարարի հետ. «Հանդիպումներ նախատեսվում են: Գործընթացը շարունակելու և նոր հանդիպում կազմակերպելու պայմանավորվածություն է ձեռք բերվել»։
Մանրամասները՝ տեսանյութում:
