Քաղաքականություն
13.10.2021 | 13:55
Ավելի քան 51 հազար մարդ ստորագրել է Վրաստանի նախկին նախագահ Միխեիլ Սաակաշվիլիին ազատ արձակելու խնդրագիրը, հայտնում է ՌԻԱ Նովոստին։
Խնդրագիրը գրվել է հոկտեմբերի 7-ին և ուղղված է կառավարությանը։ Որպեսզի փաստաթուղթը հանձնվի հասցեատիրոջը անհրաժեշտ է, որ այն հավաքի 75 հազար մարդու ստորագրություն: Վրաստանում միջնորդությունները միայն խորհրդատվական բնույթ են կրում և պետությանը չեն պարտավորեցնում որևէ որոշում կայացնել:
«Եթե կարծում եք, որ Վրաստանի երրորդ նախագահ Միխեիլ Սաակաշվիլին, որը մի քանի օր է հացադուլի մեջ է, պետք է ազատ արձակվի բանտից և հնարավորություն ունենա նորմալ մասնակցելու քաղաքացիական և քաղաքական գործընթացներին, ապա ստորագրեք միջնորդությունը: Միասին մենք կարող ենք գերությունից ազատել նախագահին», – ասված է փաստաթղթում, որը ստորագրել է 51,132 մարդ:
Տաթև Ֆռանգյան
