25.04.2026 | 16:31
Ես դատում եմ և պատրաստ եմ այդ նույն դատով դատվել․ Փաշինյանը՝ քաղաքացուն․ ՏԵՍԱՆՅՈւԹ
Պետդեպը չի հաստատում ու մեկնաբանում ԱՄՆ-ից Թուրքիայի՝ F-16 կործանիչներ գնելու մտադրության մասին լուրերը
Քաղաքականություն
13.10.2021 | 13:18
ԱՄՆ պետդեպարտամենտն առայժմ չի հաստատում ու մեկնաբանում տեղեկություններն այն մասին, որ Թուրքիան դիմել է ԱՄՆ-ին 40 F-16 կործանիչների գնման, ինչպես նաև Անկարայի ունեցած այդ տիպի 80 ինքնաթիռների արդիականացման համար։ Այս մասին հայտարարել է պետդեպարտամենտի մամուլի ծառայության ղեկավար Նեդ Փրայսը ճեպազրույցի ընթացքում։
«Ինչ վերաբերում է F-16-ին, ապա Պետդեպի քաղաքականությունն այնպիսին է, որ մենք չենք հաստատում ու չենք մեկնաբանում զենքի վաճառքի փաստը մինչև Կոնգրեսը պաշտոնապես չի հաստատում»,- Փրայսի խոսքերն է մեջբերում ՏԱՍՍ գործակալությունը։
Նշենք, որ Անկարայի՝ ԱՄՆ-ից F-16 կործանիչներ գնելու մտադրության ու դիմումի մասին ավելի վաղ հայտնել էր Reuters գործակալությունը։ Նախօրեին էլ Թուրքիայի նախագահի մամուլի խոսնակ Իբրահիմ Քալընը հարցազրույցում հաստատել էր, որ Անկարան դիտարկում է ԱՄՆ-ից F-16 կործանիչների գնելու հնարավորությունը։
Էմմա Չոբանյան
