09.06.2026 | 16:30
Մինչև նոր կառավարության ձևավորումը 2 ամիս ունենք․ վարչապետ․ ՏԵՍԱՆՅՈՒԹ
ԱՄՆ-ը կվերաբացի իր օդային ու ցամաքային սահմանները միջազգային այցելուների համար
Քաղաքականություն
13.10.2021 | 14:23
ԱՄՆ-ը հաջորդ ամիս կվերաբացի ցամաքային սահմանները ոչ էական ճանապարհորդությունների համար ՝ դադարեցնելով COVID-19 համաճարակի պատճառով 19-ամսյա սառեցումը։ ԱՄՆ-ը երկիր մուտք գործել ցանկացող միջազգային այցելուներից պահանջելու է կորոնավիրուսի դեմ պատվաստում, գրում է US News-ը։
Համաձայն նոր կանոնների, որոնք կհրապարակվեն չորեքշաբթի, թույլ կտան ամբողջովին պատվաստված օտարերկրյա քաղաքացիներին նոյեմբերի սկզբից մուտք գործել ԱՄՆ ՝ անկախ ճանապարհորդության նպատակից։ Նոյեմբերի սկզբին նախատեսվում է սահմանափակումների համանման թուլացում նաև երկիր օդային ուղևորությունների համար:
Ե՛վ Մեքսիկան, և՛ Կանադան ամիսներ շարունակ ճնշում են գործադրել ԱՄՆ -ի վրա ՝ պահանջելով թեթևացնել ճանապարհորդային սահմանափակումները, որոնք բաժանել են ընտանիքներ և սահմանափակել ժամանցային ճամփորդությունները համաճարակի սկզբից: ԱՄՆ-ը ավելի վաղ հայտարարել էր, որ կչեղարկի օդային ճանապարհորդությունների համար սահմանված արգելքները և փոխարենը կպահանջի պատվաստումներ այն օտարերկրյա քաղաքացիներից, ովքեր ցանկանում են օդային ճանապարհով մուտք գործել երկիր:
Տաթև Ֆռանգյան
