Տեսանյութեր
13.10.2021 | 10:45Քաղաքական շահերը խանգարում են Լեռնային Ղարաբաղի հակամարտության կողմերին համաձայնության հասնել, մինչդեռ կրոնական առաջնորդներն առավելություններ ունեն բանակցային գործընթացում՝ հիմնված Աստծո հանդեպ հավատքի, ընդհանուր բարոյական արժեքների և միմյանց նկատմամբ վստահության վրա: Այս մասին Կովկասի մահմեդականների առաջնորդ շեյխ ուլ իսլամ Ալլահշուքյուր Փաշազադեի հետ հանդիպման ժամանակ հայտարարել է Համայն Ռուսիո և Մոսկվայի պատրիարք Կիրիլը, որը տեղի է ունենում Մոսկվայում:
«Եթե խոսքը ռազմական հակամարտության հաղթահարման մասին է, ապա քաղաքական գործոնը առկա է, և երբ այդ գործոնը գերակշռում է, բանակցությունների գործընթացը բարդանում է: Երբեմն, մեր կրոնական տեսանկյունից, մեզ ուղղակի անբացատրելի է թվում, թե ինչու մարդիկ չեն կարողանում վստահել միմյանց: Նրանք չեն կարողանում համաձայնության գալ, քանի որ քաղաքական շահեր են շոշափվում», – ասել է պատրիարք Կիրիլը:
Նրա խոսքով՝ կրոնական առաջնորդներն առավելություն ունեն նման խնդիրները քննարկելիս, քանի որ «ունեն ընդհանուր հիմք՝ հավատքն առ Աստված և բարոյական արժեքների համակարգ, պարկեշտություն և վստահություն միմյանց նկատմամբ, ինչը ստեղծում է բարենպաստ մթնոլորտ»:
«Այս ավելի քան 30 տարիների ընթացքում, ինչ ճանաչում ենք միմյանց, չի եղել մի դեպք և թեմա, որը մեզ կբաժանի և լարվածություն կառաջացնի: Մենք միշտ գտել ենք մեր քննարկած հարցերի լուծումը», – ասել է պատրիարք Կիրիլը՝ դիմելով ադրբեջանցի մահմեդականների առաջնորդին:
Պատրիարք Կիրիլը երեքշաբթի ավելի վաղ հանդիպում է ունեցել Ամենայն Հայոց կաթողիկոս Գարեգին Երկրորդի հետ:
