Տնտեսություն
12.10.2021 | 16:52
Մի շարք երկրների ընկերություններ ցանկանում են Արցախի գրավյալ շրջաններում բիզնես գործունեություն ծավալել։ Ադրբեջանական լրատվամիջոցների հաղորդմամբ՝ Ադրբեջանի փոքր ու միջին բիզնեսի զարգացման գործակալությունը ստացել է ձեռնարկատերերից շուրջ 800 դիմում ՝ Արցախի գրավյալ տարածքներում բիզնեսի կազմակերպման համար։ Այս մասին հայտարարել է գործակալության նախագահ Օրհան Մամեդովը։
«2020թ-ի դեկտեմբերից մենք ստացել ենք ձեռնարկատերերից 791 դիմում, որոնք պատրաստ են «ազատագրված տարածքներում» բիզնես կազմակերպել։ Նրանից 406-ը ներդրումային ծրագրեր են, իսկ 385-ը՝ կապված են տարբեր ծառայությունների կազմակերպման հետ»,- ասել է Մամեդովը։
Նա նաև նշել է, որ 226 նախագիծ էլ ներկայացրել են արտասահմանյան ընկերություններ 28 երկրից։ «Թուրքիայի, Ռուսաստանի, Իսրայելի ու Ղազախստանի ընկերություններից են հիմնականում առաջարկները ստացվել»,- ասել է Մամեդովը։
Էմմա Չոբանյան
