25.04.2026 | 18:02
Փաշինյանը ներկա է գտնվել Մալխաս և Ռոման Ամոյանների անվան նոր մարզադպրոցի հիմնարկեքի արարողությանը
Եվրասիայի տարածաշրջանի երկրները Իրանի արտաքին առևտրի առաջնահերթություններն են
Քաղաքականություն
12.10.2021 | 17:46
Իրանի առևտրի խթանման կազմակերպության (TPO) ղեկավար Ալի Ռեզա Պեյման-Պաակը Ղրղզստանի առևտրի և համագործակցության փոխնախարարի հետ հանդիպման ժամանակ հայտարարել է, որ Եվրասիայի տարածաշրջանի երկրները Իրանի արտաքին առևտրի առաջնահերթություններն են։
Ալի Ռեզա Պեյման-Պաակը Թեհրան ժամանած Ղազախստանի առևտրի և համագործակցության հարցերով փոխնախարար Քիրատ Տուրբաևի հետ հանդիպմանն անդրադարձել է տարածաշրջանի երկրների և հարևանների հետ առևտրային կապերում Իրանի նոր կառավարության տարբերվող և լուրջ մոտեցմանը, հայտնում է «Իռնա» գործակալությունը:
Վերջինս նշել է, որ այս մասին հայտարարել է ոչ միայն արդյունաբերության նախարարությունը, այլև բազմիցս շեշտվել է երկրի նախագահի կողմից իր նախընտրական արշավում, ասել է Պայման-Պաակը:
«Երկկողմ առևտրի ցածր ծավալը չի համապատասխանում երկու կողմերի նպատակներին, և առևտրի ծավալների մեծացումը երկկողմ առևտրային կապերի բարելավմանն ուղղված ամենակարևոր նպատակն է, որը պահանջում է երկու կողմերի ամուր կամքի դրսևորում»,- ավելացրել է նա։
Քիրատ Տուրբաևը հանդիպմանը նույնպես հայտարարել է, որ Ղազախստանը հետապնդում է տարածաշրջանային զարգացման նպատակը ՝ հավելելով, որ կորոնավիրուսային համաճարակը մեծապես խանգարել է երկու երկրների միջև ծրագրերի իրականացմանը։
Տաթև Ֆռանգյան
