11.10.2026 | 10:11
Շանհայ. Կարեն Խաչանովը դուրս եկավ 1/8 եզրափակիչ
Բոլոր բնագավառներում մեր վերաբերմունքն իր հետքն է թողել այն արհավիրքի վրա, որ տեղի ունեցավ. Սիմոնյան․ ՏԵՍԱՆՅՈՒԹ
Քաղաքականություն
12.10.2021 | 14:25
Արցախի 44-օրյա պատերազմի հանգամանքները հետաքննող խորհրդարանական հանձնաժողով անպայման կստեղծվի, սակայն անհրաժեշտ է ավարտել այդ կառույցի ձևավորմանը նախորդող ընթացակարգերը: Այս մասին լրագորղների հետ զրույցում նշեց ՀՀ ԱԺ նախագահ Ալեն Սիմոնյանը:
Նրա խոսքով`մի քիչ ծիծաղելի է թվում, բայց և՛ իշխող խմբակցությունում, և՛ ընդդիմությունում կան պատգամավորներ, որոնք մինչ օրս չեն ստորագրել գաղտնիության մասին համապատասխան փաստաթղթի տակ:
«Ազգային ժողովն ինքը դեռ լիովին ձևավորված չէ, բազմաթիվ գործընթացներ կան, որոնք դեռ ավարտին հասցված չեն»,- նշեց Սիմոնյանը։
Նա հավելեց, որ դեռևս չգիտի այդ հանձնաժողովը կլինի ԱԺ Պաշտպանության և անվտանգության հարցերի մշտական հանձնաժողովի հիման վրա, թե ոչ։
Ազգային ժողովի նախագահը համաձայն չէ այն գնահատականների հետ, որոնց համաձայն` գործող իշխանությունը փորձում է խուսափել պատերազմի արդյունքների համար քաղաքական պատասխանատվությունից։ Սիմոնյանը նշեց, որ պատերազմի ավարտի հաջորդ օրվանից սկսած` քաղաքական իշխանությունն իր վրա է վերցրել հնարավոր բոլոր հարվածները։ Եվ նույնիսկ այն դեպքերում, երբ պատասխանատվության մի մասը կարելի էր արդարացիորեն դնել ուրիշների վրա, իշխող թիմը, ըստ Սիմոնյանի, այն իր վրա է վերցրել։
Անդրադառնալով դիտարկմանը, որ ընդդիմությունն իշխանությանը մեղադրում է դիվանագիտական ձախողումների մեջ, որը հանգեցրեց պատերազմի և աղետալի հետևանքների, Սիմոնյանը նշեց. «Մեկ պատասխանատու ոլորտ գտնել և ամբողջը բարդել նրա վրա, ճիշտ չէ: Բոլոր բնագավառներում մեր 30 տարվա վերաբերմունքն իր հետքն է թողել այն արհավիրքի վրա, որ տեղի ունեցավ մեկ տարի առաջ»:
Մանրամասները՝ տեսանյութում:
