25.04.2026 | 18:02
Փաշինյանը ներկա է գտնվել Մալխաս և Ռոման Ամոյանների անվան նոր մարզադպրոցի հիմնարկեքի արարողությանը
Ռուսաստանում կորոնավիրուսից մահվան դեպքերի նոր հակառեկորդ է գրանցվել
Քաղաքականություն
12.10.2021 | 17:31
Համաձայն պաշտոնական տվյալների՝ վերջին մեկ օրում Ռուսաստանում կորոնավիրուսից մահացել է 973 մարդ։ Սա համավարակի ընթացքում գրանցված առավելագույն ցուցանիշն է։ Սրա հետ մեկտեղ երկրի մարզերում շարունակվում են նոր սահմանափակումների կիրառումը՝ կապված պատվաստումների հետ, որոնց տեմպը Կրեմլում անվանում են «անթույլատրելիորեն ցածր», գրում է BBC-ի ռուսական ծառայությունը։
Վերջին մեկ օրվա ընթացքում երկրում գրանցվել է 28 190 Covid-19-ի նոր դեպք, մահացել է 973 հիվանդ։ Հայտնել են կորոնավիրուսի դեմ պայքարի օպերատիվ շտաբից։ Նախորդ առավելագույն ցուցանիշը գրանցվել էր շաբաթ օրը՝ 968 մահվան դեպք, իսկ երկուշաբթի օրը հաղորդվում էր 957 մահան դեպքի մասին։
Ռուսաստանում կորոնավիրուսով վարակման դեպքերի կտրուկ աճը սկսվել է սեպտեմբերին և շարունակվել հոկտեմբերին, շաբաթ օրը նոր դեպքերի թիվն այս տարի առաջին անգամ գերազանցել է 29 հազարը, իսկ մեկ օր առաջ ՝ երկուշաբթի, շտաբը հաղորդել է 29 409 վարակման դեպքի մասին, որն առավելագույն ցուցանիշն է տարեսկզբից:
Տաթև Ֆռանգյան
