Չպատվաստվածներն ու չթեստավորվածները քովիդով վարակվելու դեպքում պիտի մտածեն բուժման ծախսերի մասին. Հերիքնազ Տիգրանյան․ ՏԵՍԱՆՅՈՒԹ

Հայաստանում խստացվում են COVID-19 համավարակի դեմ պատվաստման պահանջները։ Կառավարության նախաձեռությունն ուղղված է կորոնավիրուսային հիվանդության դեմ պատվաստումների խթանմանը:

Աշխատանքի և սոցիալական հարցերի նախարարությունը e-draft.am-ում հանրային քննարկման է ներկայացրել «Աշխատանքային օրենսգրքում» և «Պետական ծառայության օրենսգրքում» կատարված փոփոխությունների նախագիծը, համաձայն որի՝ պետական համակարգի և մասնավոր հատվածի աշխատողները պարտավոր կլինեն օրենքով տրամադրել պատվաստումը կամ փորձարկումը հաստատող հավաստագրեր:

Նոր փոփոխություններով, որոնք պետք է ներկայացվեն խորհրդարանի հաստատմանը, գործատուն իրավունք ունի աշխատանքից ազատել աշխատողին, եթե ավելի քան 30 օր անընդմեջ կամ վերջին 12 ամիսների ընթացքում աշխատողն իր պաշտոնեական պարտականությունները չի կատարել ավելի քան 50 օր:

«Քանի դեռ աշխարհը չի բացահայտել COVID-19-ը հաղթահարելու այլ մեթոդ, քան պատվաստումը, մենք պետք է և հորդորենք մեր քաղաքացիներին հեռու մնալ ապատեղեկատվությունից և պատվաստվել»,- «Կորոնավիրուսն ու աշխատանքային իրավունքները. պատվաստվե՞լ, թե՞ կորցնել աշխատանքը» թեմայով առցանց քննարկման ժամանակ նշեց ՀՀ ԱԺ Աշխատանքի և սոցիալական հարցերի մշտական հանձնաժողի նախագահ Հերիքնազ Տիգրանյանը:

Նրա խոսքով՝ առաջիկայում չպատվաստված ու չթեստավորված մարդիկ քովիդով վարակվելու դեպքում ստիպված կլինեն մտածել բուժման ծախսերի մասին:

Մանրամասները՝ տեսանյութում: