Քաղաքականություն
12.10.2021 | 13:21
Թուրքիայի նախագահի մամուլի խոսնակ, գլխավոր խորհրդական Իբրահիմ Քալընը թուրքական Milliyet-ի հետ զրուցում խոսել է ԱՄՆ-ի ու Թուրքիայի նախագահների հնարավոր հանդիպումից, որը կայանելու է G20 գագաթնաժողովի շրջանակներում։
«Երկկողմ քաղաքական ու տնտեսական հարաբերություններ, էներգետիկա, անվտանգություն, ահաբեկչության դեմ պայքար, ռազմարդյունաբերություն, Աֆղանստան, Սիրիա, Իրաք, Ղարաբաղ, Կովկաս, Լիբիա, Արևելյան Միջերկրական ու այլ տարածաշրջանային ու համաշխարհային հարցեր. ղեկավարները քննարկելու են առանցքային այս թեմաները»,- ասել է Քալընը։
Ըստ նրա «2 ռազմավարական գործընկերները ու դաշնակից պետությունները ցանկանում են հարցերը լուծել դրական օրակարգով, առաջ քայլ անել հարցերում, որոնցում համաձայն են, խնդիրներն էլ լուծել բանակցությունների ու երկխոսության միջոցով»։
Հավելենք, որ G20-ի երկրների գագաթնաժողովը տեղի է ունենալու Հռոմում հոկտեմբերի 30-31-ը։
Էմմա Չոբանյան
