18.01.2026 | 17:17
Bild. Գերմանացի զինվորականները վաղաժամ և «առանց բացատրությունների» լքել են Գրենլանդիան
Աշխարհի ճակատագիրը չեն կարող որոշել ՄԱԿ-ի ԱԽ-ի 5 մշտական անդամները․ Չավուշօղլուն հայտարարել է ՄԱԿ-ը բարեփոխելու անհրաժեշտության մասին
Քաղաքականություն
11.10.2021 | 20:46
Ժամանակակից աշխարհում անհավասարության մասշտաբներն ընդլայնվում են։ ՄԱԿ-ի տվյալներով՝ անհավասարության բացասական հետևանքները իր վրա զգում է մոլորակի բնակչության ավելի քան 70 տոկոսը։ Այս մասին հայտարարել է Թուրքիայի ԱԳ նախարար Մևլութ Չավուշօղլուն Բելգրադում Չմիավորված երկրների շարժման կազմակերպության համաժողովի իր ելույթում։ Հաղորդում է Անադոլու գործակալությունը։
Համաժողովը, որը նվիրված է կազմակերպության 60-ամյակին, կազմակերպվել է Սերբիայի մայրաքաղաքում նախագահող Ադրբեջանի ակտիվ մասնակցությամբ։
Չավուշօղլուն նշել է, որ հիմնական գործոններից մեկը, որը նպաստում է աշխարհում անհավասարության խորացմանը, մնում է պետությունների միջև ատեխնոլոգիական զարգացման անդունդը։ Նա նաև հիշեցրել է Անկարայի կոչը ՄԱԿ-ի Անվտանգության խորհրդի բարեփոխման մասին։
«Մենք բազմիցս հայտարարել ենո, որ աշխարհի ճակատագիրը չեն կարող որոշել ՄԱԿ-ի ԱԽ-ի 5 մշտական անդամները։ Անհրաժեշտ է նոր համաշխարային համակարգ ՄԱԿ-ի ԱԽ-ում երկրների ավելի լայն ընդգրկմամբ ոը մասնակցությամբ»,-ասել է Չավուշօղլուն՝ նշելով, որ երկրների քաղաքականությունը պետք է միջազգային հանրության բարեկեցությանը ծառայի։
«Այսօրվա աշխարհը 1961-ի աշխարհակարգը չէ։ Սառը պատերազմը մնացել է անցյալում։ Մարտահրավերները ավելի խճճված բնույթ են ստացել։ Մենք աջակցում ենք Չմիավորման երկրների շարժման ջանքերին ՝ հանդես գալով աշխարհակարգին ավելի ակտիվ մասնակցությամբ»,- ասել է Թուրքիայի ԱԳ նախարարը։
Հավելենք, որ ՄԱԿ-ի ԱԽ-ը բարեփոխելու ու նոր աշխարահակարգի առաջարկներով ավելի վաղ հանդես էր եկել նաև Թուրքիայի նախագահ Ռեջեփ Թայիփ Էրդողանը։ Այս մասին Էրդողանը նաև գրում է իր նոր «Ավելի արդար աշխարհ հնարավոր է» գրքում։
Էմմա Չոբանյան
