01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Թուրքիայում ընտրողների մեծամասնությունը կարծում է, որ Էրդողանի ղեկավարած կուսակցությունը 2023-ի ընտրություններում կկորցնի իշխանությունը
Քաղաքականություն
11.10.2021 | 19:19
Թուրքիայի ընտրողների մեծամասնությունը՝ 53․7 տոկոսը, կարծում է, որ իշխող «Արդարություն ու զարգացում» (ԱԶԿ) կուսակցությունը 2023թ. ընտրություններում կկորցնի իր իշխանությունը՝ ըստ Metropoll-ի վերջին սոցհարցման։
Հարցվածների միայն 37․8 տոկոսն է կարծում, որ ԱԶԿ-ն կմնա իշխանության ղեկին, այս թիվը կուսակցության ընտրողների շարքում հասնում է 65․8 տոկոսի։
Իշխող ուժի գործընկեր Ազգայնական շարժման ընտրողների 55․2 տոկոսն է հավատում, որ ԱԶԿ-ն կլինի իշխանություն, 38․3 տոկոսը՝ կարծում, որ չի լինի։
Գլխավոր ընդդիմադիր Ժողովրդահանրապետական կուսակցության ընտրողների մեծամասնությունը 83․2 տոկոսը կարծում է, որ ԱԶԿ-ն 2023-ին կզրկվի իշխանությունից, և միայն մոտ 10 տոկոսն է հավատում, որ կմնա իշխանության։
Ընդդիմադիր մեկ այլ` քրդական Ժողովուրդների դեմոկրատական կուսակցության ընտրողների 79․7 տոկոսն է համաձայնել, որ ԱԶԿ-ի 20-ամյա կառավարմանը վերջ կդրվի 2023թ-ին։
Ի դեպ, ԱԶԿ-ն, օգոստոսի տվյալներով, վարկանշի ամենամեծ անկումն է գրանցել, քանի որ սոցցհարցման արդյունքներով՝ չկողմնորոշված ընտրողների 37 տոկոսը հենց իշխող ուժի նախկին ընտրողներն են եղել։
Էմմա Չոբանյան
