12.10.2026 | 23:18
Գազամատակարարման դադարեցումներ՝ Հայաստանի մի շարք հասցեներում
Թուրքիայի զինուժը օպերացիա է սկսել Սինջարում PKK-ի դեմ
Քաղաքականություն
26.03.2018 | 11:42
Թուրքիայի նախագահ Ռեջեփ Թայիփ Էրդողանը Տրապիզոն քաղաքում մասնակցել է իշխող «Արդարություն և զարգացում» կուսակցության ժողովին։ Նա խոսել է տարածաշրջանում քրդերի դեմ Թուրքիայի զինուժի կողմից իրականացվող նոր ռազմական գործողությունների մասին. փոխանցում է EH-ն:
Մասնավորապես նշել է, որ այժմ Թուրքիայի բանակի ստորաբաժանումների նոր թիրախը հանդիսանալու է Իրաքի եզդիաբնակ Սինջար շրջանը, որտեղ «Քուրդիստանի բանվորական կուսակցությունը» (PKK-ՔԲԿ) հենակետեր ունի։
«Նախկինում ասել էինք, որ մտնելու ենք Սինջար։ Հիմա արդեն այնտեղ սկսվել են ռազմական գործողությունները։ Երկրի ներսում և դրանից դուրս պայքար է գնում ահաբեկչության դեմ։ Մեր հոգսը ահաբեկիչներն են։ Մենք չենք հանդիսանում բռնազավթող երկիր։ Օկուպացիաների օրինակներ կան Արևմուտքում։ Մեր անցյալում չկան նման բաներ»։
Սինջարում ռազմական գործողություններ սկսելը Թուրքիայի նախագահը պատճառաբանել է այն իրողությամբ, որ Աֆրինը կորցնելուց հետո քրդական ուժերը նահանջել են Սինջար։
Հիշեցնենք, որ չնայած Էրդողանի վերոնշյալ հայտարարությանը՝ մի քանի օր առաջ PKK-ն հայտարարել էր, որ իրենք դուրս են բերում իրենց ուժերը Սինջարից։
