23.08.2026 | 17:17
ՃՏՊ Արմավիր-Երևան ավտոճանապարհին․ կան տուժածներ և զոհ
Ղարիբաշվիլին հայտարարել է Վրաստանի, Հայաստանի և Ադրբեջանի միջև սերտ համագործակցության համար նոր հարթակի անհրաժեշտության մասին
Քաղաքականություն
11.10.2021 | 16:39
Վրաստանի, Հայաստանի և Ադրբեջանի միջև ավելի սերտ համագործակցության համար անհրաժեշտ է ստեղծել նոր տարածաշրջանային հարթակ: Այս մասին հայտարարել է Վրաստանի վարչապետ Իրակլի Ղարիբաշվիլին՝ ամփոփելով Հայաստան իր այցը, գրում է « Գրուզիա օնլայնը»։
Ղարիբաշվիլին հաջողված է համարել իր այցը Հայաստան և ընդգծել է Վրաստանի կարևոր դերակատարությունը տարածաշրջանում միջնորդական գործընթացում:
«Ես շատ հաջող այց ունեցա Հայաստան: Իմ նախաձեռնությունն այն է, որ մենք սկսենք համագործակցությունը տարածաշրջանում և ստեղծենք նոր հարթակ, որի շրջանակներում մենք ՝ երեք երկրները, կսկսենք սերտ համագործակցություն։ Այս գործընթացում Վրաստանը կարևոր դերակատարություն ունի», – ասել է վրացի վարչապետը:
Ղարիբաշվիլին շեշտել է, որ Վրաստանը հետայսու ևս ակտիվ միջնորդական դերակատարություն կունենա Հայաստանի ու Ադրբեջանի միջև։
Տաթև Ֆռանգյան
