19.12.2025 | 02:04
Կոնֆերենցիաների լիգա․ Վահան Բիչախչյանը՝ գոլի հեղինակ․ ՏԵՍԱՆՅՈՒԹ
Իրանն ադրբեջանական կողմին հայտնել է, որ Թեհրանի որոշ մտահոգություններ պետք է լուծվեն
Քաղաքականություն
11.10.2021 | 13:27
Իրանի ԱԳՆ խոսնակ Սաեդ Խաթիբզադեն ճեպազրույցի ժամանակ անդրադարձել է հարևան երկրների՝ մասնավորապես Ադրբեջանի հետ հարաբերություններին՝ ասելով, որ Թեհրանն իր մտահոգություններն է հայտնել Բաքվին, գրում է իրանական Մեհր գործակալությունը։
«Անբնական է խախտել Իրանի և Ադրբեջանի Հանրապետության հարաբերությունները: Իրանը իր մտահոգությունները հայտնել է ադրբեջանական կողմին, և նրանք նաև ասել են, որ կանդրադառնան այդ մտահոգություններին: Մենք ադրբեջանական կողմին ասել ենք, որ Իրանի որոշ մտահոգություններ պետք է լուծվեն»,- ավելացրել է նա։
«Մենք երբեք չենք փակել մեր օդային տարածքը Ադրբեջանի համար: Ցամաքային ճանապարհը ևս բաց է երկու երկրների միջև, և երկու կողմերը չպետք է թույլ տան, որ երրորդ կողմերը կազդեն հարաբերությունների վրա», – ընդգծել է Խաթիբզադեն:
Տաթև Ֆռանգյան
