12.02.2026 | 23:18
Առաջարկվում է նախակրթարանի տարիքային շեմը նվազեցնել մինչև 4 տարեկան
«Թալիբանը» բանակցություններ է վարում ՌԴ-ի հետ՝ կառավարության ճանաչման շուրջ
Քաղաքականություն
11.10.2021 | 15:15
«Թալիբան» իսլամիստական կազմակերպությունը բանակցություններ է վարում Ռուսաստանի հետ ՝ կառավարության ճանաչման և դեսպանությունների փոխադարձ բացման շուրջ։Այդ մասին հայտնել է Աֆղանստանի նախարարների ժամանակավոր կաբինետի տեղեկատվության և մշակույթի փոխնախարար Զաբիուլլահ Մուջահիդը, գրում է DW-ի ռուսական ծառայությունը:
Թալիբների ներկայացուցչի խոսքով՝ սույն հարցի լուծումը ճանապարհ կբացի հետագա համագործակցության համար։ Մուջահիդը չի հայտնել, թե արդյոք ծրագրում է կադրային փոփոխություններ Մոսկվայում Աֆղանստանի դեսպանության կազմում՝ նշելով, որ այդ հարցը պետք է լուծի «Աֆղանստանի իսլամական էմիրության» Արտաքին գործերի նախարարությունը։
Մուջահիդը նաև ընդգծել է, որ թալիբները ձգտում են դիվանագիտական հարաբերություններ հաստատել բոլոր պետությունների հետ։
Հիշեցնենք, որ նախօրեին ավարտվել են «Թալիբանի» և ԱՄՆ-ի երկօրյա բանակցությունները, որոնք անցկացվում էին Քաթարի մայրաքաղաք Դոհայում: ԱՄՆ Պետդեպարտամենտի մամուլի ծառայությունը հայտարարել է, որ բանակցությունները եղել են «բաց և պրոֆեսիոնալ», հիմնական թեմաներն են եղել անվտանգության խնդիրները, ահաբեկչության դեմ պայքարը, մարդու իրավունքները, հումանիտար օգնությունը և ԱՄՆ -ի, Աֆղանստանի և այլ երկրների քաղաքացիների երկիրը լքելու հնարավորության ապահովումը:
Տաթև Ֆռանգյան
