25.04.2026 | 18:02
Փաշինյանը ներկա է գտնվել Մալխաս և Ռոման Ամոյանների անվան նոր մարզադպրոցի հիմնարկեքի արարողությանը
Նիկոլ Փաշինյանի հետ հանդիպմանը քննարկեցինք խաղաղության նոր նախաձեռնությունը. Իրակլի Ղարիբաշվիլի
Քաղաքականություն
10.10.2021 | 17:56
Վրաստանի վարչապետ Իրակլի Ղարիբաշվիլին «Թվիթեր» սոցիալական ցանցում գրառում է կատարել վարչապետ Նիկոլ Փաշինյանի հետ հանդիպմանը: Այս մասին հաղորդում է Վրաստանի Առաջին ալիքը։
Կառավարության ղեկավարը գրում է, որ Հայաստանի Հանրապետության վարչապետի հետ հանդիպմանը քննարկվել է խաղաղության նոր նախաձեռնությունը և տարածաշրջանում խաղաղության և զարգացման ավելի մեծ հնարավորությունների համար ակտիվ միջնորդություն վարելու Վրաստանի պատրաստակամությունը:
«Հայաստանի Հանրապետություն կատարած այցիս ընթացքում ես արդյունավետ զրույց ունեցա վարչապետ Նիկոլ Փաշինյանի հետ: Մենք քննարկեցինք երկկողմ համագործակցությունը, Հարավային Կովկասի տարածաշրջանի խաղաղության նոր նախաձեռնությունը և Վրաստանի պատրաստակամությունը` ակտիվ խաղաղարարության և տարածաշրջանում զարգացման ավելի մեծ հնարավորություններ իրականացնելու համար»,- գրել է Իրակլի Ղարիբաշվիլին:
