16.01.2025 | 20:13
Մեծ Բրիտանիան և Ուկրաինան 100-ամյա գործընկերության համաձայնագիր են ստորագրել
Գերմանիայում կհետաքննեն Լուկաշենկոյի մասնակցությունը ներգաղթյալների ապօրինի սահմանահատմանը
Քաղաքականություն
10.10.2021 | 18:50
Գերմանիայում կհետաքննեն Բելառուսի նախագահ Ալեքսանդր Լուկաշենկոյի մասնակցությունը Բելառուսի տարածքով Լեհաստանով դեպի Գերմանիա ներգաղթյալների մաքսանենգությանը։ DW-ի ռուսական ծառայության փոխանցմամբ՝ այս մասին գրում է Bild am Sonntag պարբերականը։
Նշվում է, որ տեղեկության պաշտոնական հաստատում չկա:
Գերմանիայի դաշնային ոստիկանության տվյալներով՝ 2021 թվականի օգոստոսից Բելառուսից Գերմանիա անօրինական կերպով շուրջ 4000 օտարերկրացի է տեղափոխվել: Միայն հոկտեմբերի առաջին շաբաթվա ընթացքում անօրինական միգրանտների թիվը 1183 է եղել:
Գերմանական պարբերականի փոխանցմամբ՝ ամենից հաճախ Գերմանիայի սահմանն ապօրինի հատելու փորձ են կատարում Իրաքից և Սիրիայից երիտասարդները: Որպես կանոն՝ Իրաքի Բաղդադ և Էրբիլ, ԱՄԷ-ի Դուբայ, Լիբանանի Բեյրութ, Հորդանանի Աման, Թուրքիայի Ստամբուլ քաղաքները, ինչպես նաև սեպտեմբերի կեսերից՝ Սիրիայի Դամասկոսը նրանց համար դառնում են դեպի Եվրոպա մեկնման կետ։ Ընդ որում, օտարերկրացիներին բելառուսական ուսանողական վիզա է տրամադրվում։
Մինսկ ժամանելուց հետո սահմանապահները կամ ոստիկանները նրանց տեղափոխում են Լեհաստանի սահման՝ այն հատվածներ, որտեղ նվազագույն անվտանգության պահպանություն է: Տեղափոխվելով ԵՄ տարածք՝ անօրինական միգրանտները ինքնուրույն շարունակում են ճանապարհը դեպի Գերմանիա, գրում է թերթը:
Լրագրողների տվյալներով՝ միգրանտները բելառուսական կողմին վճարում են շուրջ 4000 եվրո՝ սահմանի անօրինական հատմանը նպաստելու համար:
