07.03.2026 | 11:36
RAF-ը հաստատել է Արման Ծառուկյանի և Ջորջիո Պուլասի ռևանշ մենամարտը
Չեխիայի վարչապետի կուսակցությունը պարտվել է խորհրդարանական ընտրություններում
Քաղաքականություն
10.10.2021 | 17:15
Չեխիայում տեղի ունեցած խորհրդարանական ընտրություններում հաղթել է ընդդիմադիր «Միասին» դաշինքը, որը միավորում է Քաղաքացիական դեմոկրատական կուսակցությունը, «Քրիստոնեա-դեմոկրատական միություն – Չեխոսլովակիայի ժողովրդական» կուսակցությունը և «Ավանդույթի, Պատասխանատվություն, Բարգավաճում» կուսակցությունը: Այս մասին են վկայում երկրի խորհրդարանի ստորին՝ Պատգամավորների պալատի ընտրությունների վերջնական արդյունքները, որոնք հրապարակել է Չեխիայի վիճակագրական ծառայությունը քվեաթերթիկների 100 տոկոսի հաշվարկից հետո, գրում է DW-ի ռուսական ծառայությունը։
Այս տվյալների համաձայն՝ «Միասին» դաշինքը ստացել է ձայների շուրջ 27,79%-ը: Չեխիայի վարչապետ, միլիարդատեր Անդրեյ Բաբիշի գլխավորած «ԴՔԱ 2011» («Դժգոհ քաղաքացիների ակցիա») կենտրոնամետ քաղաքական շարժումը փոքր տարբերությամբ զբաղեցրել է երկրորդ տեղը՝ ձայների 27,12%-ով:
Երրորդ տեղում ձախակենտրոն ընդդիմադիր կոալիցիան է՝ 15,62% ձայնով: Նշվում է, որ Չեխիայի պատմության մեջ առաջին անգամ խորհրդարան չեն անցել կոմունիստները։
Գործող վարչապետ Անդրեյ Բաբիշն արդեն ընդունել է ընտրություններում պարտությունը:
