23.08.2026 | 17:17
ՃՏՊ Արմավիր-Երևան ավտոճանապարհին․ կան տուժածներ և զոհ
Չեխիայի նախագահին հոսպիտալացրել են
Քաղաքականություն
10.10.2021 | 15:56
Չեխիայի նախագահ Միլոշ Զեմանը տեղափոխվել է Պրահայի Կենտրոնական զինվորական հոսպիտալ: Երկրի ղեկավարին հիվանդանոց են տեղափոխել ինտենսիվ թերապիայի կարիք ունեցող հիվանդների համար նախատեսված շտապօգնության մեքենայով, գրում է ՏԱՍՍ-ը։
Զեմանը հոսպիտալացվել է Լանի բնակավայրում գտնվող իր նստավայրից՝ վարչապետ Անդրեյ Բաբիշի հետ հանդիպումից հետո, որի ընթացքում նրանք քննարկել են շաբաթ և կիրակի երկրում անցկացված խորհրդարանական ընտրությունների արդյունքները:
Նախագահի մամուլի խոսնակ Իրժի Օվչաչեկը Twitter-ում գրառմամբ հաստատել է Զեմանի հոսպիտալացման լուրը:
«Հանրապետության նախագահը, իրեն բուժող բժիշկ, պրոֆեսոր Միրոսլավ Զավորալի առաջարկով, համաձայնել է տեղափոխվել Պրահայի Կենտրոնական զինվորական հոսպիտալ»,- նշել է խոսնակը։
