16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Իրաքում արտահերթ խորհրդարանական ընտրություններ են
Քաղաքականություն
10.10.2021 | 13:13
Իրաքում այսօր՝ հոկտեմբերի 10-ին արտահերթ խորհրդարանական ընտրություններ են անցկացվում: 329 պատգամավորական մանդատի համար պայքարում է ավելի քան 3240 թեկնածու: Խորհրդարական տեղերի քառորդ մասը վերապահված է կանանց, հաղորդում է DW-ի ռուսական ծառայությունը։
Երկրում քվեարկելու իրավունք ունի մոտ 25 միլիոն մարդ: Սակայն, դիտորդների կանխատեսմամբ, իշխանությունների նկատմամբ անվստահության բարձր մակարդակի և խորը ճգնաժամի պատճառով ընտրություններին մասնակցությունը ցածր կլինի:
Նշենք, որ Իրաքի արտահերթ ընտրությունները նշանակվել են զանգվածային բողոքի ցույցերի արդյուննքում։ Խորհրդարանական ընտրությունները պետք է տեղի ունենային 2022 թվականին, սակայն 2019 թվականի աշնանից երկրում հակակառավարական զանգվածային բողոքի ցույցեր են անցկացվում, որոնք հանգեցրեցին նախարարների կաբինետի հրաժարականին, որը ձևավորվել էր 2018 թվականի մայիսին անցկացված ընտրությունների արդյունքում։
Բողոքի ակցիաների առաջնորդները կոչ են արել բոյկոտել ընտրությունները, քանի որ կարծում են, որ գոյություն ունեցող քաղաքական համակարգը չի կարողանա փոփոխություններ ապահովել՝ անկախ քվեարկության արդյունքներից:
Նշենք, որ այս ընտրություններում ֆավորիտը համարվում է շիաների կոալիցիան՝ իմամ Մուքթադա աս-Սադրի գլխավորությամբ, որը հանդես է գալիս սոցիալական արդարության, դպրոցների և հիվանդանոցների կառուցման, ինչպես նաև Իրաքի ներքին գործերին արտաքին ուժերի չմիջամտության պահանջներով։
Հաղթելու մեծ հնարավորություններ ունի նաև «Ալ-Ֆաթահ» դաշինքը, որը գլխավորում է տրանսպորտի նախկին նախարար Հադի ալ-Ամիրին։ Նա սերտ կապեր է պահպանում Իրանի և շիա զինված կազմավորումների հետ:
