30.07.2026 | 13:33
Հայաստանի պատանի ինֆորմատիկները Եվրոպական օլիմպիադայում 4 մեդալ են նվաճել
Սաակաշվիլին դիմել է միջազգային հանրությանը
Քաղաքականություն
09.10.2021 | 14:19
Վրաստանի նախկին նախագահ Միխեիլ Սաակաշվիլին դիմել է միջազգային հանրությանը՝ նշելով, որ իր գործերով դատական լսումներ չեն նշանակում։ Դիմումը նա հրապարակել է Ֆեյսբուքի իր էջում:
«Իմ ուղերձը միջազգային հանրությանը
Հոկտեմբերի 1-ին ինձ ձերբակալեցին և բանտարկեցին:
Ձերբակալությունը հիմնված էր դատարանի երկու վճիռների վրա, որոնք աշխարհում ոչ ոք չի ճանաչում, ինչպես նաև երկու անավարտ գործերի ձերբակալման հրամանագրերի:
Վրաստանի օրենսդրության համաձայն՝ ընթացիկ գործով կալանավորված ցանկացած անձ պետք է անհապաղ ներկայացվի դատարան, մինչդեռ ես արդեն 9 օր բանտում եմ առանց լսումների, և գործով դատավորն այսօր իմ փաստաբանին ասել է, որ առաջիկա շաբաթների ընթացքում լսումներ չեն սպասվում:
Ակնհայտ փորձ է արվում կանխել իմ՝ հանրությանը ներկայանալը՝ ընտրությունների երկրորդ փուլից առաջ, մինչդեռ գրեթե յուրաքանչյուր խոշոր քաղաքում իմ կուսակցությունը քայլում է Իվանիշվիլիի հետ կողք կողքի:
Հուսով եմ, որ առանց դատաքննության անազատության մեջ գտնվելու իմ այս գործն աննկատ չեք թողնի»,- նշել է Վրաստանի նախկին նախագահը:
