19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Սփյուռքահայ բարերարները թեթև ամենագնացների խմբաքանակ են նվիրել ՊՆ-ին և ԱԻՆ-ին․ ԼՈՒՍԱՆԿԱՐՆԵՐ
Հասարակություն
08.10.2021 | 18:55
ՀՀ պաշտպանության նախարար Արշակ Կարապետյանն այսօր ՊՆ վարչական համալիրում ընդունել է սփյուռքահայ բարերարների, որոնք պաշտպանական գերատեսչությանը, ինչպես նաև Արտակարգ իրավիճակների և Շրջակա միջավայրի նախարարություններին, թեթև ամենագնացների խմբաքանակ են նվիրել, տեղեկացնում է ՊՆ մամուլի ծառայությունը։
Ողջունելով հյուրերին՝ Արշակ Կարապետյանը հավաստիացրել է, որ թեպետ արվում է առավելագույնը` զինված ուժերն օր առաջ անհրաժեշտ ավտոտեխնիկայով համալրելու համար, այնուհանդերձ, Հայրենիքի պաշտպանության գործին աջակցելու պատրաստակամության այսպիսի դրսևորումները ողջունելի են և, միևնույն ժամանակ, ամրապնդում են բանակ-հասարակություն կապը։
Զինված ուժերին ցուցաբերած շարունակական աջակցության համար, պաշտպանության նախարարի հրամանով, սփյուռքահայ բարերարները պարգևատրվել են «Ռազմական համագործակցության համար» մեդալով:
Գերատեսչական մեդալները բարերարներին է հանձնել պաշտպանության նախարարի տեղակալ Արման Սարգսյանը:
