03.04.2026 | 00:12
Վարդան Ղուկասյանի որդու խափանման միջոցը փոխվել է. նա տնային կալանքի տակ է
Չավուշօղլուն հայտնել է, որ Ուկրաինան դիմել է Թյուրքական խորհրդում դիտորդի կարգավիճակ ստանալու համար
Քաղաքականություն
08.10.2021 | 18:48
Թուրքիայի ԱԳՆ ղեկավար Մևլութ Չավուշօղլուն Լվովի համալսարանում ունեցած ելույթում հայտարարել է, որ Ուկրաինան ցանկանում է դիտորդի կարգավիճակ ստանալ Թյուրքական խորհրդում։ Այս մասին գրում է «Անադոլու» գործակալությունը։
Չավուշօղլուն նշել է, որ շատ կարևոր է տարածաշրջանային համագործակցության մեխանիզմների կիրառումը, այդ թվում՝ կազմակերպությունների մակարդակով։
«Այսօր Ուկրաինան հանդես է գալիս Թյուրքալեզու երկրների համագործակցության խորհրդում (Թյուրքական խորհուրդ) դիտորդի կարգավիճակ ստանալու օգտին։ Այդ հարցн ընդգրկվելու է նոյեմբերի 12-ին Թյուրքական խորհրդի ղեկավարների գագաթնաժողովի քննարկմանը»,- ասել է Չավուշօղլուն։
Նշենք, որ Թյուրքական խորհուրդը ստեղծվել է 2009 թվականին։ Անդամ պետություններ են Ադրբեջանը, Ղազախստանը, Ղրղզստանը, Թուրքիան, իսկ Հունգարիան ունի դիտորդի կարգավիճակ։
Էմմա Չոբանյան
