29.06.2026 | 14:16
«Դադարեցրե՛ք դա»․ Օրբելյանի և Սեդա Սաֆարյանի վեճից հետո փաստաբանին նկատողություն հայտարարվեց․ ՏԵՍԱՆՅՈՒԹ
ԱՄՆ Սենատը կանխել է ճգնաժամը՝ քվեարկելով երկրի պետական պարտքը մեծացնելու օգտին
Քաղաքականություն
08.10.2021 | 16:44
ԱՄՆ Սենատը քվեարկել է երկրի պետական պարտքը մեծացնելու օգտին՝ պատմական դեֆոլտից խուսափելու համար, որը կարող է կործանել երկրի տնտեսությունը, գրում է BBC-ն։
Սենատորները համաձայնել են մինչև դեկտեմբեր պարտքի շեմը բարձրացնել մինչև 480 մլրդ դոլարի։ Շաբաթներ շարունակ տևած կուսակցական պայքարից հետո օրինագծը հավանության է արժանացել ձայների 50-48 հարաբերակցությամբ։
Այժմ օրինագիծը պետք է Ներկայացուցիչների պալատի հավանությանն արժանանա, այնուհետև ուղարկվի նախագահ Ջո Բայդենի ստորագրմանը։
Հանրապետական և Դեմոկրատական կուսակցությունների միջև ներկայիս հակասությունները, սակայն, ցնցումներ են առաջացրել ֆինանսական շուկայում: Մտավախություն կար, որ ԱՄՆ-ն դեֆոլտ կհայտարարի իր պետական պարտքի նկատմամբ, ինչն աղետալի հետևանքների կհանգեցնի:
Տաթև Ֆռանգյան
