Քաղաքականություն
08.10.2021 | 13:01
Վրաստանի Բաթումի քաղաքի Մայիսի 26 փողոցում բնակելի շենք է փլուզվել։ Նախնական տվյալներով՝ կան տուժածներ։ Որոշ ականատեսներ հայտնել են, որ փլուզմանը նախորդել է պայթյուն, գրում է «Նովոստի Գրուզիան»։
Դեպքի վայրում աշխատում է հատուկ տեխնիկա, շտապօգնության և ոստիկանության աշխատակիցներ։ Փրկարարները մարդկանց դուրս են բերում փլատակների տակից։
«Գրուզիա օնլայնի» վերջին տվյալների համաձայն՝ փլատակների տակ հայտնված ավտոմեքենայից դուրս է բերվել մանկահասակ երեխա։
Այլ մանրամասներ դեռևս չի հաղորդվում։
Մանրամասները՝ տեսանյութում։
Տաթև Ֆռանգյան
