18.12.2025 | 10:21
Արտարժույթների փոխարժեքները՝ դեկտեմբերի 18-ի դրությամբ
Հարցի հասցեատերը ես չեմ, թե ինչու եմ տեղ գտել Մոսկվա մեկնող պատվիրակության կազմում. Թագուհի Թովմասյան. ՏԵՍԱՆՅՈՒԹ
Քաղաքականություն
08.10.2021 | 12:28
«Պատվիրակություն կազմողը պետք է պատասխանի, թե ում՝ ինչ սկզբունքով կամ ում՝ երբ է հրավիրել, ով ինչ պատասխան է տվել»,- այս մասին խորհրդարանական ճեպազրույցի ընթացքում նշեց Թագուհի Թովմասյանը՝ պատասխանելով լրագրողի հարցին, թե ինչու են «Պատիվ ունեմ» խմբակցությունից հենց Իշխան Զաքարյանը և Թագուհի Թովմասյանը Ալեն Սիմոնյանի գլխավորած պատվիրակության կազմում մեկնել Մոսկվա, հաշվի առնելով առկա կասկածները, թե վերջիններս համագործացում են իշխանության հետ:
«Ձեր հարցի հասցեատերը Ալեն Սիմոնյանն է»,- նշեց պատգամավորը:
«Ես քննարկել եմ խմբակցության ղեկավարի հետ և իմ քայլերի մասով բացառապես ես եմ պատասխանատու։ Չեմ կարծում, որ որևէ այլ մեկնաբանություն այստեղ ընդհանրապես գոյության իրավունք ունի, որովհետև զարմանալի չէ, որ խորհրդարանական պատվիրակության կազմում կարող են լինել պատգամավորներ»,- ասաց Թովմասյանը։
Ինչ վերաբերում է իշխանության հետ հարաբերությունների վերաբերյալ հարցին, պատգամավորը նշեց. «Այո՛, ես եղել եմ «Իմ քայլը» խմբակցության անդամ, ես դուրս եմ եկել խմբակցությունից, և եթե ցանկություն ունենայի այս իշխանությունների հետ որևէ ընդհանուր բան ունենալ, կշարունակեի մնալ խմբակցությունում, որևէ կաշկանդող բան չէր լինի»։
Իշխան Զաքարյանի վերաբերյալ էլ Թագուհի Թովմասյանն ասաց, թե գեղեցիկ չէ, երբ հարցը քննարկվում է իր նրա բացակայության ժամանակ և ճիշտ կլինի, եթե լրագրողը հարցն ուղղի հենց Իշխան Զաքարյանին։
Մանրամասները՝ տեսանյութում:
