23.08.2026 | 18:52
Շենավանում հրդեհ է բռնկվել․ այրվել են տան և անասնագոմի տանիքները
Համայնքների խոշորացման վերաբերյալ օրենսդրական փաթեթը կվիճարկվի ՍԴ-ում
Քաղաքականություն
08.10.2021 | 12:14
«Հայաստան» խմբակցությունը համայնքների խոշորացման վերաբերյալ օրենսդրական փաթեթը վիճարկելու է Սահմանադրական դատարանում: Այս մասին Ազգային ժողովի ճեպազրույցների ժամանակ հայտարարեց «Հայաստան» դաշինքի խմբակցության քարտուղար Արծվիկ Մինասյանը:
Բացի այդ՝ խմբակցությունը միջնորդություն է ներկայացրել ՍԴ՝ պահանջելով անհապաղ կասեցնել օրենսդրական այդ փաթեթի գործողությունը:
Բարձրագույն դատարանի մամուլի խոսնակ Եվա Թովմասյանը Factor.am-ի հետ զրույցում հաստատեց, որ խմբակցության կողմից դիմում է ստացվել։ Նրա խոսքով՝ ՍԴ-ն այս պահին ուսումնասիրում է դրա բովանդակությունը։
Հիշեցնենք՝ սեպտեմբերի 24-ին Ազգային ժողովը երկրորդ ընթերցմամբ և ամբողջությամբ ընդունեց «ՀՀ վարչատարածքային բաժանման մասին» օրենքում փոփոխություններ և լրացումներ կատարելու մասին և «Տեղական ինքնակառավարման մասին» օրենքում լրացումներ և փոփոխություն կատարելու մասին օրենսդրական փաթեթ։ Ըստ այդմ` Հայաստանը կունենա 78 համայնք, որոնցից 71-ը՝ միավորված:
Նշենք, որ ԱԺ ընդդիմադիր խմբակցությունները չմասնակցեցին քվեարկությանը։
Ռոզա Վարդանյան
