07.03.2026 | 16:17
Մարտի 8-ին կայանալիք Մասկատ-Երևան թռիչքի տոմսեր ունեցողները կարող են օգտվել անվճար տեղափոխման հնարավորությունից. դեսպանություն
Թալիբներն «Իսլամական պետությունն» անվանել են ոչ թե վտանգ, այլ գլխացավ
Քաղաքականություն
08.10.2021 | 21:13
«Իսլամական պետություն» ահաբեկչական խմբավորումն Աֆղանստանի համար վտանգ չի ներկայացնում։ Այս մասին հայտարարել է երկրի ժամանակավոր կառավարության մշակույթի և տեղեկատվության նախարարի տեղակալ Զաբիուլլահ Մուջահիդը, փոխանցում է TOLO News հեռուստաալիքը:
«Մենք ԻՊ-ն սպառնալիք չենք անվանում, մենք նրանց գլխացավ ենք անվանում։ Որոշ վայրերում այն գլխացավ է առաջացնում, սակայն ամեն միջադեպից հետո դրա մեղավորները չեզոքացվում են։ Մենք նրանց քշում ենք, նրանց թաքստոցները հայտնաբերված են»,- նշել է փոխնախարարը։
Մուջահիդի խոսքով՝ ԻՊ-ն չի վայելում Աֆղանստանի ժողովրդի աջակցությունը։
Տաթև Ֆռանգյան
