27.11.2024 | 11:38
7 ոստիկան ազատվել է աշխատանքից
Թուրքիան ցանկանում է ԱՄՆ-ից 40 F-16 կործանիչ գնել
Քաղաքականություն
08.10.2021 | 12:42
Թուրքիան խնդրանքով դիմել է ԱՄՆ-ին՝ ցանկություն հայտնելով Lockheed Martin-ի արտադրության 40 F-16 կործանիչ և շուրջ 80 արդիականացման փաթեթ գնել՝ իր կողմից արդեն ձեռք բերված ռազմական ինքնաթիռների համար։ Բանն այն է, որ ՆԱՏՕ-ի դաշնակից Թուրքիան ցանկանում է արդիականացնել իր ռազմաօդային ուժերը F-35 ինքնաթիռների գնումից հետո: Այս մասին Reuters-ին հայտնել են իրավիճակին ծանոթ աղբյուրները:
Միլիարդավոր դոլար արժողությամբ գործարքը դեռևս պետք է սատանա ԱՄՆ Պետքարտուղարության, ինչպես նաև Կոնգրեսի հավանությանը, որոնք, սակայն, կարող են արգելափակել գործարքը:
ԱՄՆ Պետքարտուղարությունից Reuters-ին չի մեկնաբանել այս տեղեկությունները։
«Որպես քաղաքական հարց՝ Պետքարտուղարությունը չի հաստատում կամ չի մեկնաբանում պաշտպանական նշանակության վաճառքների կամ փոխանցումների վերաբերյալ առաջարկությունները, մինչև դրանք պաշտոնապես չտեղեկացվեն Կոնգրեսին»,- ասել է գերատեսչության խոսնակը:
Վաշինգտոնում Թուրքիայի դեսպանատունը ևս հրաժարվել է մեկնաբանություններ տալ:
Հիշեցնենք, որ Անկարան ավելի վաղ 100 F-35 կործանիչներ էր պատվիրել Lockheed Martin Corp-ից, սակայն պատվերը մերժվել էր 2019 թվականին, քանի որ Թուրքիան ռուսական S-400 համակարգեր էր գնել։
Տաթև Ֆռանգյան
