19.12.2025 | 21:41
Հայաստանը Ժնևում քննարկել է փախստականների խնդիրների հասցեագրման իր մոտեցումները
Թուրքիան և Իրանը փոխադարձաբար փակել են բոլոր անցակետերը բեռնատարների համար․ լրատվամիջոցներ
Քաղաքականություն
07.10.2021 | 19:11
Թուրքիան փակել է իր բոլոր անցակետերը իրանական բեռնատարների համար։ Այս մասին ՌԻԱ Նովոստիին հայտնել է Իրանի հետ առևտրի զարգացման ասոցիացիայի ղեկավար Օզջան Ալաշը, գրում է «Вестник Кавказа»-ն։
Նրա խոսքով՝ նման որոշում է կայացվել՝ ի պատասխան թուրքական բեռնատարների Իրան մուտքի արգելքի։
«Թուրքիայի և Իրանի միջև առևտրաշրջանառությունն ամբողջովին դադարեցվել է Իրանի ու Ադրբեջանի սահմանին լարված իրավիճակի պատճառով»,- ասել է Ալաշը։
Նա նաև նշել է, որ իրավիճակը կարող է բացասաբար անդրադառնալ Թեհրանի և Անկարայի առևտրային հարաբերությունների վրա, որոնց միջև առևտրաշրջանառությունն արդեն իսկ նվազել է կորոնավիրուսի համավարակի պատճառով։
Նշենք, որ դեռևս նախօրեից համացանցում տեղեկություններ էին տարածվում, որ Թուրքիան փակել է Իրանի հետ բոլոր 4 անցակետերը, որոնք պետական մակարդակով դեռևս հաստատում չեն ստացել։
Էմմա Չոբանյան
