16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Անկարան աջակցել և աջակցելու է Ուկրաինայի տարածքային ամբողջականության պահպանմանը․ Չավուշօղլու
Քաղաքականություն
07.10.2021 | 18:42
Թուրքիային և Ուկրաինային կապում են սերտ բարեկամական հարաբերությունները։ Այս մասին հայտարարել է Թուրքիայի ԱԳ նախարար Մևլութ Չավուշօղլուն Լվովում իր ուկրաինացի պաշտոնակից Դմիտրի Կուլեբայի հետ համատեղ մամուլի ասուլիսում, հաղորդում է «Անադոլու» գործակալությունը։
«Մեր կապերը զարգանում են մի շարք ուղղություններով, որը չի կարող չուրախացնել։ Երկու երկրների նախագահները տարեսկբից 2 հանդիպում են անցկացրել»,- ասել է Չավուշօղլուն։
Թուրք պաշտոնյան անդրադարձել է նաև Ղրիմի հարթակի թեմային։
«Անկարան աջակցել և շարունակելու է աջակցել Ղրիմի հարթակի նախաձեռնության առաջմղմանը։ Թուրքիան հատուկ նշանակություն է տալիս Ղրիմի թաթարների իրավունքներին։ Մինչև տարեվերջ թուրքական կողմի աջակցությամբ կսկսվի Ղրիմի թաթարների համար տների կառուցումը»,- ասել է թուրք նախարարը։
Նա նաև խոսել է Ուկրաինայի արևելքում ստեղծված իրավիճակից։
«Հակամարտությունը Դոնբասում պետք է լուծվի Ուկրաինայի տարածքային ամբողջականության պահպանմամբ»,- հայտարարել է Մևլութ Չավուշօղլուն։
Էմմա Չոբանյան
