29.09.2026 | 11:10
Պուտինը տարվա ընթացքում 4-րդ անգամ ավելացրել է բանակի թվաքանակը՝ հասցնելով 2,44 միլիոն մարդու
Մեր թիրախը Սերժ Սարգսյանն է ու իր համակարգը. Դավիթ Սանասարյան. ՏԵՍԱՆՅՈՒԹ
Քաղաքականություն
23.03.2018 | 20:21
«Իշխանական լրատվականներից երևում է իշխանության վախն այն բանից, որ ժողովուրդը փողոց դուրս կգա: Ես վստահ եմ, որ մենք տուրք չենք տալու այդ քարոզչամիջոցների տարածած թեզերին, որովհետև իշխանությունն ուզում է ամեն առիթով ուժերի մեջ խնդիրներ ստեղծել, որպեսզի տեղի չունենա այն, ինչ բոլորս ուզում ենք: Բոլորս միասնական, կոնկրետ գործողություններով պետք է հասնենք հաջողության»,-Ազատության հրապարակում հայտարարեց քաղաքական ակտիվիստ Դավիթ Սանասարյանը:
Նրա խոսքով՝ հասարակության թիրախը Սերժ Սարգսյանն է ու նրա համակարգը, և, երբ ասում են, որ Սերժ Սարգսյանը պետք է հեռանա, իրենք պնդում են, որ պետք է հեռանա մի ողջ համակարգ. «Համակարգը պետք է փոխվի, պետք է հեռանա այն համակարգը, որի անունը Սերժ Սարգսյան է, և ում համար կարվել են Սահմանադրությունն և մյուս բոլոր օրենքները»,-ասաց նա:
Սանասարյանը ներկաներին նաև տեղեկացրեց, որ այս պահին «Հանուն Հայաստան պետության» ճակատը բանակցություններ է վարում տարբեր քաղաքական ուժերի հետ և անելու է այնպես, որ հաջորդ հանրահավաքներին Ազատության հրապարակում ասեղ գցելու տեղ չլինի:
Ամբողջությամբ՝ տեսանյութում
