25.04.2026 | 18:02
Փաշինյանը ներկա է գտնվել Մալխաս և Ռոման Ամոյանների անվան նոր մարզադպրոցի հիմնարկեքի արարողությանը
Էրդողանն այն ավտոկրատ ղեկավարներից է, որը բարկացել է Թրամփի վրա․ Թրամփի նախկին խորհրդական
Քաղաքականություն
06.10.2021 | 22:30
Թուրքիայի նախագահ Ռեջեփ Թայիփ Էրդողանն այն ավտոկրատ ղեկավարների շարքում է, որոնք բարկացել են ԱՄՆ նախկին նախագահ Դոնալդ Թրամփի վրա նրա՝ կարևոր հարցերի մասին գիտելիքների բացակայության պատճառով։ Իր գրքում այս մասին գրել է Թրամփի նախկին խորհրդական Ֆիոնա Հիլլը, հաղորդում է «Ահվալ» գործակալությունը։
Հիլլը նշել է, որ որոշ ղեկավարներ օգտագործել են Թրամփի անտեղյակությունը՝ անելով ոչ ճշգրիտ պնդումներ։
«Որոշ առաջնորդներ Թուրքիայի նախագահ Էրդողանի նման բարկանում էին հանդիպումների կամ հեռախոսազանգերի ժամանակ, երբ Թրամփն ակնհայտորեն գաղափար չուներ՝ ինչ մասին են խոսում»,- գրել է Հիլլը։
Նա նշել է, որ բոլորն իմացել են, որ Թրամփն ուշադրություն չի դարձրել կարճ հայտարարություններին ու փորձել է քաջալերել Էրդողանին, ՌԴ նախագահ Պուտինին, Հունգարիայի վարչապետ Օրբանին։
Հեղինակը նաև գրում է, որ Էրդողանը դիտավորյալ զանգահարել է Թրամփին այն ժամանակ, երբ մտածել է, որ իր «վատ ամերիկացի խորհրդականները» կողքին չեն՝ նկատի ունենալով Ազգային անվտանգության խորհրդի անդամներին և Սպիտակ տան այն աշխատակիցներին, որոնք անմիջականորեն նախագահի հետ են շփվում։
Հիլլը մինչև 2019 թվականի հուլիսը աշխատել է որպես ԱՄՆ վարչակազմի Ազգային անվտանգության խորհրդի Եվրոպայի ու Ռուսաստանի հարցերով ավագ տնօրեն։
Էմմա Չոբանյան
