Հայաստանն ու ԼՂ-ն պետք է անմիջականորեն խոսեն Ադրբեջանի հետ․ ֆրանսիահայ քաղաքագետ․ ՏԵՍԱՆՅՈՒԹ

2020 թ. Ղարաբաղյան 44-օրյա պատերազմն ընդգծեց Հայաստանի դիրքի և քաղաքականության մի շարք թույլ կողմերը: Ռազմական գործոններ, որոնք նպաստել են պարտությանը. որո՞նք պետք է լինեն Հայաստանի արտաքին քաղաքականության առաջնահերթությունները, ի՞նչը պետք է լինի Հայաստանի արտաքին քաղաքականության հիմնական նպատակը, ո՞վ է մշակում և ո՞վ է իրականացնում Հայաստանի արտաքին քաղաքականությունը:

Պատմաբան, նախկին դիվանագետ Ժիրայր Լիպարիտյանը, ֆրանսահայ քաղաքագետ Թալին Փափազյանը, ֆրանսահայ բիզնես ղեկավար և վերլուծաբան Ռոբերտ Այդաբիրյանը ութ ամսվա հետազոտություններից և լայնածավալ խորհրդակցություններից հետո հրապարակել են զեկույց՝ որպես «Սպիտակ թուղթ», որը մանրամասնորեն և խորությամբ ուսումնասիրում է այն խզվածքները, որոնք հանգեցրին պատերազմի և պարտության՝ այդ պատերազմում։ Զեկույցը նաև սահմանում է այն միջավայրը, որի ներսում Հայաստանն այժմ գործում է տարածաշրջանային և միջազգային առումներով:

Հետազոտությունը ներառում է աշխարհի շուրջ 45 հայ փորձագետների և վերլուծաբանների տեսակետների համառոտագիրը՝ պատերազմի պատճառների, վարման ու հետևանքների վերաբերյալ:

Փաստաթուղթը ներկայացնում է նաև առաջարկություններ ապագայի կապակցությամբ ընտրությունների և բարեփոխումների վերաբերյալ:

«Սպիտակ թուղթը» բանավեճի հրավեր է՝ ուղղված Հայաստանի պետականության համար մտահոգված մարդկանց, և ընդհանրապես հայ հասարակությանը՝ թե՛ Հայաստանում, թե՛ Հայաստանից դուրս բնակվող»,- «2020թ. Ղարաբաղյան պատերազմը և Հայաստանի ապագա արտաքին ու անվտանգության քաղաքականությունները» թեմայով առցանց քննարկման ժամանակ նշեց ֆրանսահայ քաղաքագետը:

Նա հավելեց,որ «Սպիտակ թղթում» ներառված են խորհուրդներ, որոնք վերաբերում են ԶՈւ բարեփոխումներին, անվտանգությանը, ժողովրդագրությանը, սեփական պատասխանատվություններին…

Փափազյանի խոսքով՝ «Սպիտակ թղթում» անդրադարձ է կատարվել արտաքին քաղաքականությանը, շահերին և առանձնահատկություններին:

«Մենք կարծում ենք, որ Հայաստանն ու ԼՂ-ն պետք է անմիջականորեն խոսեն Ադրբեջանի հետ»,- ընդգծեց փորձագետը:

Մանրամասները՝ տեսանյութում: