18.12.2025 | 17:21
Մալաթիայի «Ոսկու շուկա»-ի տնօրենը ձերբակալվել է ապօրինի զենք կրելու կասկածանքով
Կորոնավիրուսի համավարակը դեռ վերահսկողությունից դուրս է․ ԱՀԿ փորձագետ
Քաղաքականություն
06.10.2021 | 20:24
COVID-19-ը դեռ վերահսկողությունից դուրս է, և համաճարակը հեռու է ավարտվելուց: Այս մասին հայտարարել է Առողջապահության համաշխարհային կազմակերպության (ԱՀԿ) COVID-19-ի դեմ պայքարի փորձագետ Մարիա Վան Կերխովեն, գրում է Le Figaro-ն:
Անցած շաբաթ աշխարհում գրանցվել է կորոնավիրուսով վարակման 3,1 միլիոն նոր դեպք և 54,000 մահվան դեպք, չնայած իրական թվերը կարող են ավելի մեծ լինել: Սա նշանակում է, որ աշխարհում դեռևս վերահսկողություն չկա վիրուսի նկատմամբ:
«Մենք ամբողջությամբ գտնվում ենք այս համաճարակի էպիկենտրոնում: Բայց մեջտեղում որտե՞ղ… մենք դեռ չգիտենք, քանի որ, անկեղծ ասած, մենք չենք օգտագործում այն գործիքները, որոնք այժմ ունենք, որպեսզի մոտենանք համաճարակի ավարտին»,- ասել է նա:
Փորձագետի խոսքով՝ որոշ քաղաքներում ինտենսիվ թերապիայի բաժանմունքներն ու հիվանդանոցները գերբեռնված են:
«Մարդիկ մահանում են, իսկ փողոցներում մարդիկ այնպես են վարվում, կարծես համաճարակն ամբողջովին ավարտված է»,- ասել է Կերխովեն:
Նա, միաժամանակ, հավելել է, որ մահը հիմնականում սպառնում է այն մարդկանց, որոնք չեն պատվաստվել:
Տաթև Ֆռանգյան
